分享至:

訂閱費用

印刷版:(只限香港地區)  
郵寄: $460/1年12期  
  $870/2年24期  

如欲補購雜誌,請致電2117 1011或電郵 subs@sportsoho.com 聯絡訂閱部。


Sportsoho 2024年三月號內容包括:

學界精英 — 專訪 學界足球健將 未來香港足壇新血|2024年3月號

「一次精英就如人的一生」
因為足球比賽,就如人生。
精英賽,讓同學們「預演」人生。
有些球員有天份,或起跑線比別人前;
有些球員則需倚靠後天努力,但也能夠殊途同歸。
哨子聲響起後,會遇上不同的人和事,有預計過的,也有突發性的。
過程中定必有得亦有失,有笑亦有淚。
在關鍵時刻,一個決定,足以改變整場球賽。
在有限時間之內,盡力做到最好。

#CoverStory #學界足球精英賽特輯

一年一度學界盛事、已經進行得如火如荼嘅「2023-2024年度全港學界精英足球比賽」,啱啱踏入八強白熱化階段。我哋訪問咗三支殺入八強嘅球隊,包括上屆冠軍 #聖若瑟書院、上屆亞軍 #拔萃男書院、今屆神奇球隊 #香港國際學校。亦訪問咗十六強同HKIS上演激戰嘅 #新會商會陳白沙紀念中學,以及精英賽最多種族嘅球隊 #地利亞修女紀念學校(協和),了解哩幾支背景截然不同嘅學界精英賽份子,背後唔同嘅球隊理念。同時亦訪問咗各有不同心路歷程嘅一眾學界球員,包括聖若瑟嘅 #袁振謙 、拔萃嘅 #趙正宇 以及陳白沙嘅 #李呈 等,等大家可以了解未來香港足壇嘅新血。

本地插畫師 Man僧 為支持港足,亦為關心本地運動員嘅讀者,特意繪製出香港隊海報,隨書附送,齊撐香港足球!

#學界籃圖 無限 #陳偉邦

今期學界籃圖嘅嘉賓,又係另一位學界男神!佢就係以隊長身份帶領拔萃喺今屆D1勇奪冠軍嘅陳偉邦。拔萃上年因為被DQ而錯失精英賽機會,偉邦今年終於能夠得償所願,出戰全港舞台。可惜事與願違,最終屈居亞軍。偉邦會回顧佢既「精英夢」,亦會分享佢對籃球以至人生嘅哲學。

#RoadtoParis #唔用粗口寫作系列-《序幕》蔡俊彥

香港劍擊代表蔡俊彥加盟Sportsoho嘅運動員專欄行列!暫排世界第十六、香港第一嘅Ryan,依家積極備戰緊巴黎奧運,嚟緊每個月亦會喺專欄《Road to Paris》分享備戰期間嘅生活點滴同埋感受。Ryan:「今次可以用自己嘅文字、自己嘅文章,完全冇filter去畀大家更加了解同認識我。再被人誤解,都唔關其他人事,除非Sportsoho改我啲文~」收到你Ryan,我哋唔會改你啲文……除非你「唔小心」用咗粗口寫作啦。

#運動專題 #高山滑雪 翁厚全人生迴轉

Sportsoho團隊遠赴北京及內蒙古自治區呼倫貝爾市,直擊香港隊參與第十四屆全國冬季運動會!今期我哋率先為讀者們送上大批喺北京延慶舉辦嘅高山滑雪賽靚相,編採團隊亦同高山滑雪大迴轉及迴轉兩個項目都打入決賽嘅 #翁厚全 傾計,了解哩位香港高山滑雪運動員嘅背景,同佢一齊發一場「亞熱帶滑雪冠軍夢」!